🌱 Бакуда өткөн БУУнун COP29 климаттык конференциясында айыл чарба көйгөйлөрү талкууланууда.
🌾 Кыргызстандын делегациясын министрдин орун басары Мирбек Дүйшеев жетектеп, айыл чарба тармагындагы жетишкендиктер жана пландар менен тааныштырды.
🌍 Негизги көңүл министрликтин ишинин үч багытында: жайыттарды жакшыртуу, заманбап ирригациялык системаларды киргизүү жана органикалык айыл чарбасын кеңейтүү.
📉 Кыргызстанда 20 жылдын ичинде жайыттардын аянты 3,5 миллион гектардан 2,7 миллион гектарга кыскарып, 140 миң гектары деградацияда. Жайыттарды калыбына келтирүү үчүн 372 миң гектар жер убактылуу консервацияланган.
💧 Тамчылатып жана жаадырып сугаруу ыкмасын киргизүү 14,5 миң гектарды түзүп, жыл сайын 1000-2500 гектарга өсүүдө. Дыйкандар сугаттын эффективдүү ыкмалары боюнча окуудан өтүшөт.
🌿 Органикалык жердин аянты 67 миң гектарды түзөт, бул жалпы айдоо аянтынын 5% түзөт. Быйыл Кыргызстанда биринчи жолу “Органикалык Экспо-2024” аймактык форуму өттү.
🌍 Негизги чаралар жаратылыш ресурстарын эффективдүү пайдалана алган жана өлкөнүн азык-түлүк коопсуздугун камсыз кыла ала турган туруктуу айыл чарба системасын түзүүгө багытталган.
