“Космопарк” соода борборуна келгендер жарылуу коркунучунан улам эвакуацияланды

• 24-августта Бишкекте “Космопарк” соода жана оюн-зоок борборуна жардыруучу зат коюлган болушу мүмкүн деген маалымат келип түшкөн.

• Коопсуздук коркунучунан улам Октябрь районунун жетекчилиги жана тергөө тобу окуя болгон жерге барып, борбордун аймагы курчоого алынган.

• Мүмкүн болгон кесепеттерди алдын алуу үчүн соода борборунун бардык зыяратчылары жана кызматкерлери эвакуацияланды.

• Окуя болгон жерге Баңгизаттарды мыйзамсыз жүгүртүүгө каршы күрөшүү кызматынын кинологдору да келип, текшерүү иштерин жүргүзүштү.

• Текшерүүнүн жыйынтыгында эч кандай шектүү буюмдар табылган жок, окуя болгон соң бир сааттан кийин соода борбору ишин улантты.

• Окуя тууралуу маалымат Октябрь райондук ички иштер башкармалыгынын каттоо журналына катталып, текшерүүнүн материалдары кошумча иликтөө үчүн УКМКга жиберилет.