Бишкек шаары боюнча милициянын патрулдук кызматынын кызматкерлери Биринчи май муниципалдык администрациясы менен биргеликте райондун аймагында Жол кыймылынын эрежелеринин сакталышын текшерди. Негизги көңүл транспорт каражаттарын туура эмес токтотуу менен байланышкан мыйзам бузууларды аныктоого бурулду.
Иш-чаралардын жыйынтыгы боюнча укук коргоочулар административдик протоколдорду түздү. Укук бузуучулар Кыргыз Республикасынын Укук бузуулар жөнүндө кодексинин 188-беренесинин 1-бөлүгүнө ылайык жоопкерчиликке тартылды.
Шаардык мэрия ошондой эле ээсин тез арада аныктоо мүмкүн болбогон беш транспорт каражаты атайын айып пул токтотуучу алапка жеткирилгенин баса белгиледи. Ведомство борбор шаардын тургундарынан жана конокторунан унаа токтотуу үчүн атайын бөлүнгөн жерлерди гана колдонууну суранды.
