Вакцинация баланын ден соолугун коргоодо чоң мааниге ээ. Ал бир катар инфекциялык оорулардын оор өтүшүн жана олуттуу кесепеттерин азайтууга мүмкүндүк берет. Ошондой эле, эмдөө жеке адамды гана эмес, жалпы коомду коргоого жардам берет деп белгиледи Республикалык иммунопрофилактика борборунун дарыгер-эпидемиологу Нуржан Замирбекова.

Адиссин айтымында, вакцина алуудан кийин баланын организминде инфекцияларга каршы иммунитет калыптанат. Организмде антителолор иштелип чыгат, натыйжада иммундук система инфекцияларды таанып, аларга каршы күрөшүүгө даяр болот. Эгерде эмдөөлөнгөн бала инфекция жуктура турган учурлар болсо, вакцина ооруну жеңил формада өткөрүүгө жана олуттуу унаптардын алдын алууга көмөктөшөт.

Олуттуу кесепеттердин коркунучу

Вакцинациянын негизги максаттарынын бири — балдарды келечектеги коркунучтуу инфекциялардан коргоо. Айрым инфекциялар өтө оор өтүп, ар кандай унаптарга алып келиши мүмкүн. Мисалы, корь оорусу пневмонияга, панэнцефалитке, угуу жана көрүү органдарын жабыркатууга себеп болушу ыктымал. Мындай олуттуу кесепеттер баланын майып болуп калышына да алып келиши мүмкүн.

Аутизм жана вакцинация байланышы

Кээ бир ата-энелер балдардагы аутизм, балалык церебрал параличи, эпилепсия жана психикалык өнүгүүдөн артта калуу сыяктуу маселелерди вакцинация менен байланыштырышат. Бирок, бул белгилердин пайда болушу менен эмдөөнүн убактысынын дал келиши алардын ортосунда түз байланыш бар экенин билдирбейт.

Азыркы учурда кээ бир өнүгүү өзгөчөлүктөрү вакцинациядан кийин байкалганы менен, бул алардын ортосунда сөзсүз түрдө себеп-натыйжа байланышы бар дегенди билдирбейт. Бул жөн гана убактылуу дал келүү болушу мүмкүн.
Нуржан Замирбекова, Республикалык иммунопрофилактика борборунун дарыгер-эпидемиологу

Адиссин белгилегендей, көпчүлүк эмдөөлөр бала бир жашка толгонго чейин жасалат, ал эми өнүгүүдөгү айрым бузулуулардын клиникалык белгилери көбүнчө эки жаштан беш жашка чейинки куракта гана байкалат. Ошондуктан, белгилердин пайда болушу вакцинациянын натыйжасы экенин далилдебейт.