Кыязбек Байысбековдун маалыматы боюнча, 30-сентябрда өткөн жалпы жыйналышка Министрлер Кабинетинин төрагасынын орун басары Улан Маматканов жана Саламаттык сактоо министри Дамирбек Осмонов катышкан. Текшерүү комиссиясы оорукананын абалын, жабдууларды жана жаңы директор келгенден бери жасалган иштерди карап чыккан.
Директор НИИХСТО Жалил Шейшенов комиссия мүчөлөрүн жаңылыштырга, ал эми коллективди саботаж жасагандыгы үчүн айыптаганы үчүн кечирим сурашы керек.
Комиссия тарабынан бир катар сын-пикирлер айтылган. Атап айтканда, оңдоп-түзөө иштери толук бүтпөгөнү, Министрлер Кабинети жана фонддор тарабынан берилген жабдуулардын орнотулушу кечиктирилгени жана бул себептен иштердин бир бөлүгү токтоп калганы белгиленген. Ошондой эле операциялардын санынын аздыгы жана алардын кеч башталышы боюнча да маселелер көтөрүлгөн.
Дарыгердин түшүндүрмөсүнө ылайык, өрт окуясынан кийин томографиялоо иштери убактылуу токтотулган. Жаңы томограф июнь айында келиши керек болчу, бирок ага жер даярдалбагандыгы үчүн кечигүү болгон. Азыркы учурда жабдык келгени менен, аны орнотууга дагы деле шарт түзүлө элек.
