Нарын мамлекеттик жаратылыш паркынын аймагында алгачкы талаа изилдөөлөрү башталды. Алар көмүскө сарыктардын сырткы морфологиясын, ден соолугуна байланыштуу көрүнүштөрүн жана оору белгилерин эрте этапта аныктоону камтыйт.
Изилдөөлөр Кыргыз-Түрк «Манас» университетинин профессору Н. Алдаяров менен биргеликте жүргүзүлүп жатат. Адистер жаратылыштагы сарыктардын өзгөчөлүктөрүн жана алардын жалпы абалын кылдат карап чыгууда.
Талаа иштери учурунда сарыктардын абалы практикалык жактан бааланып, алардын жүрүм-турумуна жана сырткы көрүнүшүнө көңүл бурулду.
Мындан тышкары, Нарын облусунун табигый ресурстар башкармалыгынын кызматкерлери үчүн жаныбарларды оору белгилери боюнча аныктоо жана аларга аракет кылуу боюнча окутуу уюштурулду.
Окутууда жаныбарлардын жүрүм-турумундагы өзгөрүүлөрдү, сырткы белгилерди жана оорунун симптомдорун байкоо, ошондой эле коопсуздук эрежелерин сактоо боюнча тренингдер камтылды.
Талаа иштери аяктагандан кийин илимий анализ жүргүзүлүп, алынган маалыматтар калыбына келтирилет жана изилдөөлөр улантылат.
