Президент Садыр Жапаров ИИМге Бишкектеги биргелешип сатып алынган үйүнөн чыгарып салууга аракет кылып жаткан Караколдун тургунуна көмөк көрсөтүүнү тапшырды. Инцидент мамлекет башчынын Каракол, Түп жана Ак-Суу райондорунун тургундары менен болгон жолугушуусунун жүрүшүндө талкууланды.
Айымдын кайрылуусуна ылайык, 2024-жылы ал күйөөсү менен бирге «Оскон-Ордо» конушунан кыймылсыз мүлк сатып алышкан, бирок менчик укугу күйөөсүнүн атына катталган. 2022-жылы күйөөсү башка аял менен жашап баштагандан кийин чыр-чатак курчуган, ал аял кийинчерээк ал менен бирге алдамчылык боюнча МУКК тарабынан кармалган.
Учурда тараптар никени бузуу жана алимент төлөө маселелерин чечүү процессинде турушат. Арыз ээси күйөөсү жана анын жанындагы аял тарабынан өзүн жана эки баласын үйүнөн чыгаруу максатында кысым көрсөтүп жатканын билдирет.
Эгерде күйөөсү башка аял менен расмий никесиз жашап жатса, ал эми арыз ээсинин нике тууралуу күбөлүгү жана эки баласы болсо, анда үй маселесин анын пайдасына чечүү керек. Күйөөсү жана анын жанындагы аял өзүнө башка турак жай таап алышсын
Иштин чоо-жайын угуп чыккан Садыр Жапаров ички иштер министринин орун басарына аталган кырдаалда аялга зарыл болгон колдоону көрсөтүү өтүнүчү менен кайрылды.
