Материалдар: 5
Кыргызстанда Кыргыз-Кытай чек арадагы өткөрүлүүчү бекеттердин башкарылышы боюнча кызматташтык келишиминин долбоору талкууланып, макулдашылды. Ага ылайык, эки өлкөнүн тиешелүү органдарынын кызматташтыгын күчөтүү үчүн биргелешкен комитет жана иштетүү топтору түзүлөт. Келишим Кытай Эл Республикасынын төрагасы Си Цзиньпиндин мамлекеттик визити учурунда кол коюлат деп күтүлүүдө.
Кыргызстандын Тышкы иштер министрлигинин Консулдук департаментинин үчүнчү катчысы Нургазы Жумалиевдин айтымында, Россиянын миграциялык мыйзамдарын бузган 91 миңдей кыргызстандык «кара тизмеге» киргизилген. Ал ошондой эле мыйзамсыз кирүүгө байланыштуу тизмеден чыгуу жолдору жана миграциялык сабаттуулукту жогорулатуу тууралуу маалыматтарды билдирди.
Кыргызстандын жарандары Россияга баратканда ruID деген расмий мобилдик тиркемеге 72 саат мурун каттоодон өтүшү керек. Каттоодо бара турган жери, мөөнөтү жана максаты тууралуу маалыматтарды көрсөтүү зарыл. Бирок катталбагандыгы Россияга кирүүгө тоскоол болбойт.
24-июлда Чолпон-Ата шаарында Шанхай кызматташтыгы уюмуна мүчө мамлекеттердин тышкы иштер министридеринин кезектеги кеңешмеси болот. Бул тууралуу Кыргыз Республикасынын Тышкы иштер министрлиги билдирди.
Ички иштер министрлиги, Тышкы иштер министрлиги, Улуттук коопсуздук мамлекеттик комитети жана Кытай Эл Республикасы элчилиги биргелешип, Кыргызстанда эмгектенген чет элдик жарандар арасында профилактикалык иш-чараларды өткөрдү. Иш-чаранын максаты – миграциялык мыйзамдарды сактоо менен бирге өлкөнүн салт-санаасын урматтоо жөнүндө маалымдуулукту жогорулатуу болуп саналат.
