🚨 Кыргызстанда балдарын кароосуз калтырган эмгек мигранттарына айып пул салуу пландалууда.
👶 Эмгек министрлигинин маалыматы боюнча, 2024-жылдын биринчи кварталында 287 150 текшерүү жүргүзүлүп, анын жүрүшүндө 84 542 эмгек мигранттарынын балдары аныкталган. Алардын ичинен 42 миң 648 бала расмий камкордугусуз туугандарынын колунда.
😢 Көптөгөн балдар үй-бүлөлүк шартта да ата-эненин камкордугунун жоктугунан эмоционалдык стресске кабылышат. Алар кээде психологиялык жардамга муктаж.
📚 Ошондой эле эмгек мигранттарынын балдары арасында балдар эмгегинин эң начар түрлөрүнө тартылган учурлар аныкталып, айрымдары билим берүү мекемелерине барбай, мамлекеттик кызматтарды алышпайт.
📝 Министрлик тарабынан социалдык кызматкерлерге ата-энесинин камкордугусуз калган балдар тууралуу маалымат берүү долбоору демилгеленген, бирок мындай балдардын статусунун мыйзамдык жактан аныкталбагандыгы процессти татаалдаштырып жатат.
⚖️ Мыйзам долбоору менен Балдар жөнүндө кодекске аларды коргоо кепилдиги менен “эмгек мигранттарынын балдары” түшүнүгүн киргизүү жана ата-энелердин балдарды камкорчусуз калтыргандыгы үчүн жоопкерчилигин күчөтүү сунушталууда.
💰 Сунушка ылайык, камкордукка алуу органдарына билдирбестен 15 күндөн ашык кароосуз калган балдар үчүн 15 миң сом айып пул каралган.
