Алматыда өтүп жаткан “FoodExpo Qazaqstan 2024” Борбор Азия көргөзмөсүндө Кыргызстандын Улуттук стенди ачылды. «Бай Элим» жана «Кордай сүт» ишканалары өндүргөн продукциялары үчүн 1-даражадагы дипломдорго ээ болушту. Көргөзмө 13-ноябрдан 15-ноябрга чейин уланып, анда кыргызстандык 16 компаниянын продукциясы коюлган.
2024-жылдын 10 айында Кыргызстан сүт азыктарын экспорттоону 28 533,8 тоннага чейин көбөйттү, бул өткөн жылга салыштырмалуу 4 064,1 тоннага көп. Негизги азыктар: балмуздак, май жана сыр.
Кыргызстандын соода миссиясы Olma супермаркеттер тармагы менен жолугушуу өткөрүп, Өзбекстандын рыногунда кыргыз продукциясынын ассортиментин кеңейтүү маселесин талкуулады. Табигый бал, мисте жана жергиликтүү өндүрүүчүлөрдүн товарларын жеткирүү маселеси талкууланды. Супермаркет бал жана ичүүчү сууга кызыгып, жарактуулук мөөнөтү жана баасы боюнча маалыматтарды сураган. Сүйлөшүүлөр ийгиликтүү болуп, кыргыз товарлары үчүн жаңы мүмкүнчүлүктөрдү ачты.
Кыргызстандык балчылар делегациясы Наманганда өтүп жаткан III Эл аралык бал фестивалына катышып, Өзбекстандагы балчылыктын өнүгүшү менен таанышып, бал азыктарынын көргөзмөсүнө катышууда. Кыргызстандык балчылар B2B жолугушууларын өткөрүп, кызматташуу жана тармактын келечегин талкуулашууда.
Кыргызстандын соода өкүлчүлүгү Өзбекстандын Olma супермаркеттер тармагы менен айына 80 тонна картошка экспорттоо боюнча келишим түздү. Бул Өзбекстандын рыногунда кыргыз картошкасынын болушун бекемдеп, экологиялык жактан таза азыктарга болгон суроо-талаптын өсүшүнө жооп берет. Келечекте ассортиментин кеңейтүү пландаштырылууда, анын ичинде ичүүчү суу, балык, бал жана сүт азыктары кыргызстандык өндүрүүчүлөр үчүн жаңы мүмкүнчүлүктөрдү түзөт.
Бишкекте соттолгондор үчүн “Ашпозчу” кесибин үйрөтүүчү класс ачылып, алар абактан чыккандан кийин ыңгайлашууга жардам берет. Долбоор Германия ассоциациясы тарабынан колдоого алынып, түзөтүү мекемелеринде билим берүү демилгелерин өнүктүрүүгө багытталган.
Өзбекстанда Кыргызстандын бизнес-делегациясынын «Фуд Сити» дүң соода борборунун өкүлдөрү менен жолугушуусу болуп, анда Кыргызстандын азык-түлүктөрүн, анын ичинде мөмө-жемиштерди, эт жана сүттү жайгаштыруу жана жеткирүү мүмкүнчүлүктөрү талкууланды. Делегация ошондой эле жергиликтуу колбаса жана балык чарба заводдорунун ендуруштук базалары менен да таанышты. Фуд Сити - соодагерлерге жана тамак-аш кайра иштетүүчүлөргө ар кандай кызматтарды сунуш кылган өлкөдөгү эң ири дүң базар.
2024-жылдын тогуз айында Кыргызстандан сыр, шор жана сары майды кошкондо 26101,5 тонна сүт азыктары экспорттолсо, импорт 13274,4 тоннаны түзүп, быштак жана балмуздак басымдуулук кылган.
27-29-сентябрь аралыгында Ош Ибраимов театрында VIII Эл аралык «Түштүк Экспо-2024» туристтик көргөзмө-жарманкеси болуп, ага дүйнөнүн 8 өлкөсүнөн катышуучулар келген. Көргөзмөдө түрдүү буюмдар, анын ичинде айыл чарба продукциялары, атайын техникалар жана кол өнөрчүлүк буюмдары коюлуп, салттуу музыкалык аспаптар менен концерттик программа тартууланды.
Кыргызстанда 2024-жылдын 20-22-сентябрына чейин мал уурулук менен күрөшүү боюнча ыкчам-профилактикалык иш-чаралар жүргүзүлүүдө. Ички иштер министрлиги ветеринардык кызмат менен бирдикте мал базарларды жана мал союучу жайларды текшерип, малды жана этти ташууну көзөмөлдөөчү постторду түзүүдө. Иш-чаралар мал чарбачылыгындагы кылмыштуулукту азайтуу жана айыл тургундарынын кызыкчылыктарын коргоого багытталган.
