Шотокан каратэ боюнча Кыргызстандын курама командасы Ташкентте өткөн IX Эл аралык турнирде ийгиликтүү чыгып, 15 медаль, анын ичинде үч алтын жеңип алышты. Өлкөнүн спортчулары 23 өлкөдөн келген 1500дөн ашык катышуучу менен күч сынашып, мыкты жыйынтыктарды көрсөтүштү.
Ош шаарында Кыргызстандын маданият кызматкерлеринин күнүн белгилеп, маданият жана искусствону өнүктүрүүгө кошкон салымы үчүн тармактын мыкты өкүлдөрүн Ардак грамота жана ыраазычылык баракчалары менен сыйлашты.
Кыргызстандык журналисттер Ташкенттин алдыңкы телеканалдарына, анын ичинде Zamon.uz жана ZorTV телеканалдарына барып, телевидение өндүрүшү боюнча тажрыйба алмашышты. Делегация Өзбекстандын ЖМКларынын контент түзүү процесстери жана инновациялары, анын ичинде ZorTV каналындагы уникалдуу жарык жана музыка системасы менен таанышты. Эки тарап мындан аркы кызматташууга кызыкдар экенин билдиришти.
