Нарын облусунда С.Бекмамбетов атындагы спорт мектебинде күрөш жана машыгуу комплексинин курулушу башталат. Камчыбек Ташиев негиздеген комплексте күрөш килемдери, спорт зал жана машыктыруучулар үчүн бөлмөлөр болот. Иш 2025-жылдын сентябрь айына чейин бүткөрүлүп, жаштарга жаңы мүмкүнчүлүктөр түзүлүп, спортко болгон кызыгуу күчөйт деп күтүлүүдө.
Тогуз-Булак айылында 2022-жылы башталган 275 орундуу жаңы мектептин курулушу бүткөрүлүүдө. Мекемеде окуу корпусу, спорт зал жана адистештирилген кабинеттер бар. Курулуш республикалык бюджеттен каржыланат.
Кайың-Талаа айылында долбоордук кубаттуулугу 275 орундуу К.Мамаев атындагы жаңы мектептин курулушу бүткөрүлүүдө. Окуу имаратында заманбап класстык бөлмөлөр, китепкана, ашкана жана спорт зал бар. Курулуш 2022-жылы бюджеттик каржылоо менен башталып, объекттин баасы 175 млн сомду түзөт.
Ош районунун Кабылан-Көл айылында жаштардын спорт менен машыгуусуна, талантын өнүктүрүүгө шарт түзүлүп, заманбап үлгүдөгү жаңы спорт залы ачылды. Депутаттар бул иш-чаранын жергиликтүү инфраструктура жана тургундардын ден соолугу үчүн маанилүүлүгүн белгилешти. Жакынкы арада коворкинг борборун ачуу пландалууда.
Кыргыз Республикасынын Министрлер Кабинетинин Төрагасынын орун басары Камчыбек Ташиев Жалал-Абад шаарындагы «Ден соолук» спорт борборунун имараты оңдоп-түзөөдөн өтүп, мэрияга тапшырылып жатканы менен таанышты. Футбол аянтчасын жаңылоо, бассейн куруу жана аймакты жакшыртуу пландалууда. Иш жакында башталып, келерки жылдын аягына чейин бүтөт.
Ош шаарынын Озгур айылында республикалык бюджеттин эсебинен 225 орундуу жаңы мектептин курулушу башталды. Мектепте 3 блок, спорт зал, актовый зал, компьютердик класс жана волейбол жана баскетбол аянтчалары болот.
Жогорку Кеңештин жыйынында депутаттар социалдык-экономикалык маселелерди, анын ичинде билим берүү, саламаттыкты сактоо жана инфраструктура көйгөйлөрүн талкуулашты. «Квадробер» субкультурасы боюнча түшүндүрүү иштерин жүргүзүү, накталай эмес төлөмдөргө өтүүнү кеңейтүү, ошондой эле жаңы мектептерди жана бала бакчаларды куруу зарылчылыгы тууралуу темалар көтөрүлдү. Ошондой эле аскер кызматкерлерине социалдык кепилдиктерди камсыз кылуу, өлкөнүн ар кайсы аймактарындагы жолдордун, көпүрөлөрдүн жана имараттардын абалы талкууланды.
