🔥 Бишкек шаары күз-кыш мезгилине жергиликтүү көмүрдүн жардамы менен даярданууда.
⛏️ “Кыргызкөмүр” мамлекеттик ишканасы борбор калаанын ТЭЦине 520 миң тонна көмүр берүүнү пландап жатат, анын 375 миң тоннасын ишкана өзү жеткирет.
🚚 Талкуунун жүрүшүндө депутаттар алыскы аймактарга жүктөрдү жеткирүүнүн логистикасын жакшыртуу максатында оор жүк ташуучу унаалардын уруксат берилген салмагын көбөйтүүнү сунушташты.
💼 Көмүр кендерин иштетүүгө инвесторлорду тартуу жана аларга консультациялык колдоо көрсөтүү маселелери да талкуунун темасына айланды.
🏠 Депутаттар Бишкек шаарындагы жаңы курулуп жаткан имараттарды үзгүлтүксүз көмүр менен камсыз кылуу жана көмүрдүн баасынын кескин өзгөрүп кетпеши үчүн жөнгө салуу зарылдыгына басым жасашты.
🔧 Ошондой эле “Кыргызкөмүр” ишканасынын материалдык-техникалык базасын жакшыртуу жана көмүр кендерине баруучу жолдорду оңдоо маселелери талкууланды.
📈 Негизинен депутаттар өлкөдөгү көмүр тармагын өнүктүрүүнүн узак мөөнөттүү стратегиясынын маанилүүлүгүн белгилешет.
