🚦 Бишкекте жол кыймылына убактылуу чектөөлөр киргизилүүдө.
🚧 4-6-ноябрь күндөрү Кыргызстандын борборунда жана Чүй облусунда Түркиянын президенти Режеп Тайып Эрдогандын иш сапарына жана Түрк мамлекеттер уюмунун XI саммитине байланыштуу чектөөлөр киргизилет.
🗺️ Чектөөлөр төмөнкү аймактарга киргизилет: “Манас” аэропортунан Бишкектин чек арасына чейин, Фучик көчөсү менен Чүй проспектисине чейин, Чүй проспектисинин чыгышынан Манас проспектисине чейин, ошондой эле Манас жана Ч.Айтматов проспектилеринин “Ала-Арча” резиденциясына чейинки бөлүгү .
🚓 ИИМдин Жол кыймылынын коопсуздугун камсыздоо боюнча мамлекеттик инспекциясы айдоочуларды унааларын аталган көчөлөрдүн жээгине калтырбоого жана жүк ташуучу унааларды жолдорго негизсиз киргизбөөгө чакырат.
⚠️ Айдоочуларга бул күндөрү жол эрежесин жана жол кыймылын көзөмөлдөө кызматкерлеринин көрсөтмөлөрүн так сактоо сунушталат.
