🏋️♂️ Бишкекте кол күрөш боюнча дүйнө чемпионаты өтөт.
🌍 30-ноябрдан 1-декабрга чейин “Газпром” спорт комплексине 24 өлкөдөн 300дөн ашык спортчулар чогулуп, армрестлинг боюнча өз күчүн көрсөтүшөт.
🇰🇬 Кыргызстандын атынан 45 спортчу катышып, ар кандай салмак категориялары боюнча медалдар үчүн ат салышат.
👦👧 Жаш катышуучулар балдар (50, 60, 70, 80, +80 кг) жана кыздар (50, 60, 70, +70 кг) категориялары боюнча күч сынашат.
💪 Чоң эркектер 60 килограммдан +125 килограммга чейин, аялдар 55 килограммдан +85 килограммга чейинки салмакта күч сынашат.
👴👵 Ардагерлер ошондой эле эркектер (65, 75, 85, +85 кг) жана аялдар (65, +65 кг) категорияларында өз өнөрлөрүн көрсөтүүгө мүмкүнчүлүк алышат.
🏆 Чемпионатты Спорттун олимпиадалык түрлөрү боюнча дирекциясы жана Армрестлинг федерациясы уюштуруп, бул иш-чаранын аймактагы спорттун өнүгүшү үчүн мааниси зор экенин белгилейт.
