Астанада бүгүн, 26-октябрда, дүйнө чемпионатынын алкагында грек-рим күрөшү боюнча мелдеш программасы аяктайт. Бул тууралуу КР Дене тарбия жана спорт боюнча мамлекеттик агенттигинен билдиришти.
Эркектердин грек-рим күрөшү: негизги беттештер
Турнирдин үчүнчү күнү «Барыс Арена» килемине калган салмак категорияларында өздөрүн көрсөткөн кыргызстандык балбандар чыгышат. Чүчү кулактын жыйынтыгы боюнча төмөнкү старттар пландалган:
- 63 кг чейинки категорияда Афтандил Таалайбек уулу биринчи айлампаны өткөрүп жиберип, чейрек финалга чыгуу үчүн Корнелиу Русу (Молдова) - Карен Асланян (Армения) жуптугунун жеңүүчүсүнө каршы беттеште баштайт.
- 67 кг чейинки категорияда Раззак Бейшекеев 1/16 финал баскычында Казакстандын өкүлү Багдат Сабаз менен беттешет.
- 87 кг чейинки категорияда Азат Салидинов биринчи беттеште Грузиянын балбаны, дүйнө чемпионаттарынын байге ээси Лаша Гобадзе менен кездешет.
