Жакында Аламүдүн районунун тургундары менен болгон жолугушууда мектеп рюкзактарынын салмагы жана окуу материалдарынын жалпы оордугу маселеси көтөрүлдү. Ата-энелердин бири балдардын ден соолугунун абалына тынчсыздануусун билдирип, атап айтканда, өтө оор китептерден улам бөйрөккө болушу мүмкүн болгон жүккө көңүл бурду. Мындан тышкары, окуу китептеринин мазмунуна да суроолор көтөрүлдү.
Көтөрүлгөн темаларга жооп катары, билим берүү министри Догдуркул Кендирбаева бардык окуу китептери милдеттүү экспертизадан өтөөрүн, ал мамлекеттик стандартка негизделип, мектептерге бөлүштүрүлүүгө чейин төрт түрдүү текшерүүнү камтый турганын билдирди.
Жүк маселеси боюнча министр заманбап окуу китептери балдардын ар тараптуу өнүгүүсүн эске алуу менен иштелип чыкканын белгиледи. Ушуга байланыштуу бардык мектептердин жана окуу бөлүмдөрүнүн жетекчилерине тапшырмалар берилди. Министрдин сунушу боюнча, окуучулар басылма китептерди мектепте калтырып, үй тапшырмаларын аткаруу үчүн алардын электрондук версияларын колдоно алышат.
