Кыргызстандын Улуттук банкынын төрагасы Алмаз Бакетаев 27-октябрда микрофинансылык уюмдар ассоциациясынын, Кыргызстандын банктар союзунун өкүлдөрү жана микрофинансылык уюмдардын жетекчилери менен жумушчу жолугушуу өткөрдү. Иш-чаранын алкагында микрофинансылык сектордун учурдагы абалы, анын актуалдуу көйгөйлөрү жана жөнгө салуучу орган менен мындан аркы өз ара аракеттенүүнүн келечеги маселелери козголду.
Региондук жеткиликтүүлүккө жана кызматтардын сапатына басым
Талкуунун жүрүшүндө микрофинансылык уюмдар калк үчүн да, ишкерлер үчүн да, анын ичинде алыскы региондордо, финансылык кызматтарга жетүүнү камсыз кылууда олуттуу роль ойной турганы белгиленди. Ошол эле учурда рыноктун катышуучулары көрсөтүлүп жаткан кызматтардын жалпы сапатын жогорулатуу жана керектөөчүлөрдүн укуктарын коргоону күчөтүү зарылдыгына көңүл бурушту.
Секторду өнүктүрүү боюнча демилгелер
Микрофинансылык сектордун өкүлдөрү тармакты туруктуу өнүктүрүү үчүн шарттарды жакшыртууга багытталган бир катар сунуштарды киргизишти. Жолугушуунун жыйынтыгы боюнча Улуттук банктын башчысы рыноктун катышуучулары менен ачык диалогду сактоонун маанилүүлүгүн белгиледи.
Ушундай сыяктуу дайыма жолугушуулар сектордун көйгөйлөрүн талкуулоо жана аны мындан аркы өнүктүрүү боюнча сунуштарды иштеп чыгуу үчүн аянтча болуп кызмат кылат.
