Кыргызстандын өкмөтү күйүүчү май бааларынын кескин жогорулашына жол бербөө максатында мамлекеттик бюджеттен акча каражаттарын жана субсидияларды бөлүп жатат. Бул тууралуу президент Садыр Жапаров журналист Али Токтакунов менен маегинде билдирди.
Жапаров дүйнөлүк геосаясий кырдаалга байланыштуу күйүүчү май жана газдын баалары өсүп жаткан шартта Кыргызстанда бул бааларды туруктуу кармоо чаралары көрүлүп жатканын баса белгиледи.
Ошондой эле, мамлекет башчысы Кыргызстан учурда күйүүчү май жана газ импорттоого көз каранды экенин, ички нефть өндүрүштөрүн жана кайра иштетүүнү көбөйтүү зарылчылыгын белгиледи.
