Баткен менен Согдий облустарынын жетекчилери коопсуздук жана соода маселелери боюнча сүйлөшүштү

Кыргызстандын Баткен облусунун ыйгарым укуктуу өкүлү Мамыржан Рахимов Тажикстандын Согдий облусунун башчысы Раджоб Ахмадзода менен Гулистон шаарында жолугушту. Жолугушууга эки облустун күч түзүмдөрүнүн жетекчилери жана чек арадагы аймактык жетекчилер да катышты.

Жолугушууда тараптар чек арадагы коопсуздук маселелерин, эки тараптуу кызматташтыкты өнүктүрүүнү жана биргелешкен долбоорлорду жүзөгө ашырууну талкуулашты. Мындан тышкары, Баткен менен Согдий облустарынын маданий, гуманитардык, жаштар, спорт жана экономикалык байланыштарын өнүктүрүүнүн келечеги каралды.