Бишкек мэриясынын маалыматына ылайык, техникалык мүчүлүштүктөр жоюлгандан кийин 10-микрорайондо жылуулук берүү турукташтырылды. Көйгөйлөр Чыгыш РЭСтин жоопкерчилигиндеги подстанциядагы автоматтык өчүргүчтүн кайра-кайра өчүп калышынан келип чыккан. Электр жабдуулары учурдагы жүктү көтөрө албай калган, бул котельнаянын ишинде үзгүлтүктөргө алып келген.
«Бишкектеплоэнерго» МПнын маалыматы боюнча, маселени түпкүлүк түрдө чечүү үчүн адистер автоматтык өчүргүчтү жаңысына алмаштырышты. Жабдууларды модернизациялоо иштери саат 11:00дөн 12:20ге чейин жүргүзүлдү.
Муниципалдык ишканада «Бишкектеплоэнерго» тарабынан жылуулук берүү өз убагында камсыз кылынганын жана системаны турукташтыруу үчүн бардык зарыл болгон чаралар көрүлгөнүн баса белгилешти. Учурда районду жылуулук менен камсыздоо нормалдуу режимде жүрүп жатат.








