Чолпон-Ата шаарынын «Рух-Ордо» маданий борборунда Кыргызстандын президенти Садыр Жапаров Азербайжандын президенти Ильхам Алиевди мамлекеттик визитке расмий тосуп алды.
Садыр Жапаров эки өлкөнүн ортосунда чечилбеген маселелер жок экенин, бул стратегиялык өнөктөштүктүн өнүгүшүнө жол ачарын баса белгиледи.
Ал ошондой эле Кыргызстан менен Азербайжандын ортосундагы мамилелер толук ишеним жана ачыктыкка негизделип, транспорт, энергетика, инвестиция, коопсуздук жана билим берүү тармагында кызматташтык кеңейе турганын кошумчалады.
Визиттин эң маанилүү саясий жыйынтыгы катары союздаштык тууралуу жаңы келишимге кол коюу каралууда.
Президент Жапаров Азербайжандын улуттук лидерлиги жана эл аралык аренадагы ролун жогору баалап, эки элдин тарыхый жана руханий жакындыгын белгиледи.
