Кыргызстандын президенти Садыр Жапаров жана Азербайжандын президенти Ильхам Алиевдин 31-июлда Бишкекте өткөн жолугушуусунда эки өлкөнүн ортосундагы мамилелер союздаштык деңгээлине көтөрүлөрү жарыяланды.
Жапаров мамлекеттер ортосундагы кызматташтык жаңы деңгээлге көтөрүлүп, союздаштык тууралуу келишимге кол коюу менен бекемделерин айтты. Анын айтымында, бул макулдашуу кызматташтыкты тыгыздоо жана эки элдин кирешесин жогорулатуу үчүн маанилүү кадам болот.
Президенттердин сөздөрүнө караганда, учурдагы жана келечектеги пландарга ылайык, транспорт, энергетика, инвестиция, коопсуздук жана билим берүү тармактарында кызматташтык кеңейтилет.
Азербайжандын президенти Ильхам Алиев Кыргызстандагы социалдык-экономикалык өнүгүүлөрдү жогору баалап, туристтик секторду колдой тургандыгын белгиледи. Айрыкча, Иссык-Көлдөгү мейманканалардын курулушу эки өлкөнүн экономикалык байланыштарын бекемдейт.
