Министрлер Кабинетинин төрагасынын биринчи орун басары Данияр Амангелдиев пенсиянын быйыл күзүндө жогорулатыла турганын ырастады. Бул тууралуу ал «Биринчи радио» эфиринде билдирди.

Анын айтымында, пенсиянын базалык бөлүгүн индексациялоонун көлөмү бюджетке түшкөн кирешелерге жараша аныкталат.

Президенттин тапшырмасы боюнча пенсия жашоо минимумунан аз болбошу керек, жана 2022-2023-жылдардан баштап биз бул көрсөткүчкө жеттик. Быйыл пенсиянын базалык бөлүгүн индексациялоо салттуу түрдө октябрь айында өткөрүлөт.
Данияр Амангелдиев

Быйыл пенсиянын базалык бөлүгүн индексациялоо салттуу түрдө октябрь айында жүргүзүлөрү белгиленди.