Тоолордо 14 жашар Амирдин каза болушу коопсуздук стандарттарын реформалоого жана туристтер менен балдар үчүн ишенимдүү коргоо системасын түзүүгө түрткү болушу керек, - деп билдирди Туризмди өнүктүрүү боюнча мамлекеттик агенттиктин башчысы Эдуард Кубатов.

«Кабар» агенттигине берген маегинде ведомствонун жетекчиси өлкөдө мындай трагедиялар кайталанбашы керек экенин белгиледи. Ал каза болгон бала жаш болсо да, күчтүү мүнөзгө жана эң сонун физикалык даярдыкка ээ болгонун баса белгиледи.

Кубатовдун айтымында, эгерде бала кесипкөй альпинизм секциясында машыккан болсо, аны куткаруу мүмкүн болмок жана ал күчтүү спортчу болуп чыга келет.

Болгон окуяга байланыштуу, келечекте походуна катышуучулардын коопсуздугун камсыз кылуу үчүн ар кандай бийиктиктерге тоо чокусуна чыгуу эрежелерин кайра карап чыгуу зарыл.