Жогорку Кенеш Ала-Арчада болгон трагедия боюнча толук маалымат атайын комиссия өз ишин аяктагандан кийин гана алат. Бул тууралуу парламенттин жыйынында спикер Марлен Маматалиев айтты.
Комиссия иш алып барып жаткан учурда, анын корутундуларын күтөлү.
Анын айтымында, депутаттар окуя боюнча маалыматтарды алууну башташты. Маалыматтар мурунку күндөрү да келип жаткан жана аларды чогултуу иштери уланууда.
Учурда окуяны изилдөө боюнча атайын комиссия иш алып барууда. Ошондой эле Башкы прокуратура жана анын курамындагы аскердик прокуратура өз багыттары боюнча иштерди жүргүзүп жатышат.
Биз бул маселе боюнча сөзсүз түрдө маалымат сурайбыз жана аны алабыз.
Спикер комиссиянын жыйынтыгы алынгандан кийин, бул маселе комитеттин же Жогорку Кенештин өзүнүн өзүнчө отурумунда кошумча каралышы мүмкүн экенин белгиледи.
