Каракол шаарында масштабдуу реконструкциядан кийин жаңыртылган шаардык пляж ачылды. Шаардык мэриянын билдирүүсү боюнча, бул азыркы урбанистиканын негизги тенденцияларын эске алуу менен түзүлгөн заманбап коомдук жай болуп саналат.
Пляжды оңдоо учурунда жээк тилкеси тазаланып, кум жабуу жаңыртылып, сейилдөөчү жолдор жана эс алуу зоналары жабдылды. Мындан сырткары, беседкалар, күндөн коргоочу чатырлар, шезлонгдор, чечинүүчү жайлар, душ жана санитардык зоналар орнотулду.
Балдар жана спорт аянтчалары дагы жабдылып, жарыктандыруу жана видеокөзөмөл камералары орнотулду. Коопсуздукту камсыздоо үчүн медициналык пункт жана куткаруу борбору каралган.
Шаар мэри Талантбек Иманов шаар тургундарын жаңы коомдук жайга аяр мамиле кылууга: тазалыкты сактоого, жабдууларды аяр пайдаланууга жана жанында эс алып жаткандарга урмат көрсөтүүгө чакырды.
Муниципалитеттин маалыматы боюнча, пляжды реконструкциялоо “Shirshov Фонду” коомдук фондунун каржылык колдоосу менен ишке ашырылды. Бул Каракол шаардык чөйрөсүн өнүктүрүү боюнча биргелешкен программанын алгачкы долбоору болуп саналат.
Шаарды өнүктүрүү программасы
