Кыргызстанда карагана (алтынган) куурайларын пайдалануу боюнча уникалдуу илимий-эксперименталдык долбоор иштеп жатат. Бул долбоор пастбищтердин деградацияланган аймактарын калыбына келтирүү жана малдарды сапаттуу азык менен камсыз кылууга багытталган.
Акыркы жылдарда Суусамыр өрөөнүндө карагана куурайлары кеңири жайылып, ар түрдүү жайыттарды ээлеп, мал азыгы үчүн бөлүнгөн жайыттын көлөмүн азайткан. Буга чейин карагана мал багуучулар үчүн көйгөй катары кабыл алынган, эми болсо табигый ресурс катары колдонулууда.
Бул иштерди Борбордук Азиянын Экология жана айлана-чөйрөнү изилдөө илимий борбору жана Кытай илим академиясынын адистери биргелешип жүргүзүүдө. Алар карагананы биокормго айландыруу технологиясын Суусамыр жайлоосунда сынап көрүшүүдө.
Практикалык экспериментте куурайлар тамырынан кесилип, атайын техника менен майдаланып, андан кийин малга азык кылып кайра иштетилет. Адистер технологиянын эффективдүүлүгүн жана шартка ылайыктуулугун изилдеп жатышат.
Мындай инновациялык ыкма пастбищ экосистемасын жакшыртуу менен катар малчылардын пайдасын көбөйтүүгө жана малдын азык базасын натыйжалуу башкарууга шарт түзөт.
