Орусиянын Камчатка крайында мобилдик жана үй интернети бир нече күнгө толугу менен өчүрүлөрү белгилүү болду. Бул суу астындагы була-оптикалык линияны оңдоо зарылчылыгына байланыштуу, деп жазат "Медуза" басылмасына шилтеме берип Kaktus.media.
Иштер жергиликтүү убакыт боюнча 12-августка караган түнү башталат. Жергиликтүү бийликтин билдирүүсүндө, жагымдуу шарттар болгон учурда бардык иш-чаралар комплекси төрт суткага чейин созулушу мүмкүн экени айтылган. Бул убакыт ичинде бүт аймак резервдик спутниктик байланыш каналына өткөрүлөт.
Тейлөө кызматтарына тийгизген таасири
Камчатка крайынын санариптик өнүктүрүү министри Григорий Бондаренко бул төрт күндүн ичинде мобилдик байланыш иштей турганын белгиледи. Ал ошондой эле оңдоо иштери шашылыш кызматтардын, банктардын, медициналык мекемелердин, МФЦ жана ири соода тармактарынын ишине таасир этпей турганын билдирди. Мындан тышкары, 20 федералдык жана бир аймактык телеканалдын көрсөтүүсү улантылат.
Бирок мессенджерлер, социалдык тармактар жана башка онлайн кызматтар бул мезгилде иштебейт.
