24-июлда Манас эл аралык аэропортунда жүргүнчүлөр бажы көзөмөлүнөн өтүүдө жана каттоого турууда узун кезектерге туш болушкан. Бул тууралуу окуянын күбөлөрү жана жүргүнчүлөр билдиришти.
Кезектердин пайда болушуна электр жарыгынын үзгүлтүккө учурашынан улам системалардагы мүчүлүштүктөр себеп болгон деп айтылды. Адегенде расмий комментарийлер берилбегендиктен, жүргүнчүлөр рейстерине кечигип калуудан кооптонушкан.
Аэропорттун түшүндүрмөсү
"Кыргызстан аэропорттору" ААК Kaktus.media басылмасына билдиргендей, окуя 24-июлда эртең менен саат 06:40та "Улуттук электр тармактары" ААК тарабынан болгон авариялык кырдаалга байланыштуу болгон. Бул бир нече абоненттердин электр энергиясынын өчүрүлүшүнө алып келген.
Саат 06:55те "Улуттук электр тармактары" ААК авариянын себептерин издөө үчүн өчүрүүлөрдү баштаган. Аэропорт электр энергиясын берүүнү үзгүлтүккө учуратпоо үчүн керектүү которуштурууларды жасаган. Себеп саат 07:02де жоюлуп, электр энергиясын берүү нормалдуу режимге келтирилген.
