Президент Садыр Жапаров сүт ишканасынын кредиттерин жеңилдетилген шарттарга өткөрүү мүмкүнчүлүгүн, ошондой эле кошумча жүгүртүү каражаттарын бөлүп берүүнү карап чыгууну тапшырды. Тиешелүү буйрук мамлекет башчынын Токмок, Чүй жана Кемин райондорунун тургундары менен жолугушуусунун жүрүшүндө берилди.
Ушул жылдын жазында заводдун курулушун баштаган ишкана сыр жана айран өндүрүүнү ишке киргизди. Бирок учурдагы каржылык жүк мындан ары өнүгүүгө тоскоолдук кылууда. Тактап айтканда, коммерциялык банктагы жылдык 29% жогорку чендин таасири менен өндүрүштүк чыгымдар кыйла өсүп жатат.
Долбоордун каржылык көрсөткүчтөрү
Карызды төлөөдөгү кыйынчылыктар мал арасында жащур оорусунун жайылышынан улам келип чыкты, бул ишкананын төлөмдөрдү жүргүзүү мүмкүнчүлүктөрүн үч айга токтотуп койду. Карыз толугу менен төлөнгөнүнө карабастан, мурда «Айыл Банк» өткөн мезгилдеги мөөнөтү өтүп кеткен төлөмдөр болгондугуна байланыштуу насыя берүүдөн баш тарткан.
Компаниянын пландарында — ишмердүүлүктү кеңейтүү жана продукцияны Россияга экспорттоо бар. Экспорттук пландарды ишке ашыруу үчүн зарыл болгон чийки затты сатып алуу үчүн ишкерге 6 млн сом жүгүртүү каражаты керек. Суралган жалпы 31 млн сомдук кредиттин ичинен 25 млн сомун коммерциялык банк алдындагы учурдагы карызды жабууга жумшоо пландалууда.
