Жоопкерчиликтүү кредит берүү маселеси президент Садыр Жапаровдун Кант шаарынын жана Ысык-Ата районунун тургундары менен жолугушуусунун темаларынын бири болду. Банкка болгон карызынан улам үйүнөн айрылган жарандын кайрылуусунан кийин талкуу практикалык деңгээлге чыкты.
Арыз ээсинин айтымында, 2023-жылы ал курулуш үчүн насыя алган, бирок жогорку пайыздык чен жана төлөө үчүн туруктуу кирешенин жоктугу кепилдикке коюлган мүлктүн сатылып кетишине алып келген.
Арыз ээсинин кредиттик келишиминин параметрлери
Президент Садыр Жапаров кредитти оңой каражаттын булагы катары кабыл албоо керектигине баса белгиледи. Анын пикири боюнча, карыз алынган акчаларды пайыздарды жабууга жете турган киреше алып келүүчү долбоорлорго жумшоо зарыл.
"Кредит – бул акысыз акча эмес. Эгер акча алсаңыз, аны ишке жумшап, пайыздарды төлөөгө мүмкүндүк берүүчү киреше алуу керек. 31 пайыз менен кредит алып, аны үй курууга жумшап, андан кийин кантип төлөөрүн ойлонуу кантип мүмкүн? Эгер 15 пайыз менен беришсе да, алганга туура келбейт. Акчаны туура колдонуу керек, кредитти оңой акча катары кабыл алууга болбойт"
Мамлекет башчы карыз алууну пландаштырууда жарандар өздөрүнүн финансылык мүмкүнчүлүктөрүн кылдат эсептеп, пайыздык чендин карыз жүгүнө тийгизген таасирин эске алышы керек экенин баса белгиледи.
