Жогорку Кеңештин финансы, бюджет, ишкердик жана атаандаштык өнүгүүнү жөнгө салуу боюнча комитетинин жыйынында сүт өнөр жайларынын абалы талкууга алынды. Депутат Махабат Мавлянова сүт өнөр жайларынын жабылуу чегинде турганын билдирди.
Анын айтымыша, сырьенын жетишсиздиги жана кымбатташышы олуттуу көйгөй жараткан. Ошондой эле, ич элдик рынокко Беларус жана Россия продукциясы келип, улуттук товарлардан 30%ге чейин арзан болуп, атаандаштык жаратып жатат. Мындан тышкары, Россия жана Беларус өндүрүүчүлөр Кыргызстандын экспортторун Казакстан базарынан чыгарып жатканы белгиленди.
