17-ноябрда өткөн жумушчу жолугушуунун алкагында тараптар өз ара аракеттенүүнү кеңейтүү жолдорун белгилешти. Президенттин администрациясынын маалыматы боюнча, басым формалдуу кызматташтыкка эмес, өлчөнө турган натыйжаларга жетүүгө жасалат. Негизги максат — республиканын улуттук потенциалын чыңдоо.

Сүйлөшүүлөрдүн жүрүшүндө ведомстволор аралык өз ара аракеттенүү механизмдерине өзгөчө көңүл бурулду. Коопсуздук кеңешинин катчылыгы жана БӨУ мамлекеттик түзүмдөрдүн туруктуулугун камсыз кылган жана улуттук коопсуздуктун айрым багыттарын чыңдаган маселелерге күчүн топтоону пландаштырууда.

БӨУнун Кыргызстандагы туруктуу өкүлү Александра Соловьева биргелешкен долбоорлорду андан ары масштабдоо боюнча даярдыгын билдирди. Коопсуздук маселелеринен тышкары, өз ара аракеттенүү өлкөнүн туруктуу өнүгүүсүнүн глобалдык максаттары менен байланышкан кеңири күн тартибин камтыйт.