Генпрокуратуранын маалыматы боюнча, Жалал-Абад облусундагы психиатриялык аймактык райондор аралык медициналык-социалдык эксперттик комиссиясынын (МСЭК) ишмердүүлүгүндөгү мыйзам бузуулар аныкталды.

Алдын ала маалыматтарга караганда, жооптуу кызмат адамдары өз кызматтык абалын кыянаттык менен колдонуп, зарыл болгон медициналык-социалдык экспертизаларды жүргүзбөстөн, «ИС МСЭК» маалыматтык системасына жасалма маалымкаттарды киргизип келишкен.

Кылмыштын масштабдары

64жаранга пенсия белгиленген
4 млнсомдук зыян келтирилген

Бул жасалма маалымкаттардын негизинде 2025–2026-жылдары 64 жаранга мыйзамсыз пенсиялар которулуп, мамлекеттин казынасына болжол менен 4 миллион сом зыян келтирилген.

Учурда бул факты боюнча Кыргыз Республикасынын Кылмыш-жаза кодексинин 337-беренеси («Кызматтык абалды кыянаттык менен колдонуу») боюнча кылмыш иши козголду. Тергөө иш-чаралары улантылууда.