Материалдар: 689
Кыргызстандагы Венгрия элчилиги Улуттук тарых музейинде Дьюла Принцтин Теңир-Тоо аймагына жасаган экспедицияларына арналган көргөзмөнү тартуулайт. Бул иш-чара эки өлкөнүн ортосундагы маданий байланыштарды чыңдоого жана конокторду ХХ кылымдын башындагы архивдик материалдар менен тааныштырууга багытталган. Көргөзмө 28-июлда ачылып, 6-сентябрга чейин уланат.
Кыргыз Республикасынын Улуттук коопсуздук мамлекеттик комитетинин (УКМК) Антитеррордук борборунда Ведомстволор аралык координациялык комиссиянын жыйыны болуп өттү. Жыйындын жүрүшүндө ири иш-чаралардын алдында социалдык жана жашоо үчүн маанилүү объектилердин антитеррордук коргоосун камсыздоо маселелери каралып, мамлекеттик түзүмдөргө конкреттүү милдеттер жүктөлгөн чечимдер кабыл алынды.
Талас шаарында 165 миллион сом каражат бөлүнгөн жаңы борбордук парктын ачылышы өттү. Паркта заманбап аттракциондор орнотулуп, жашыл зона жана жарыктандырылган аллеялар уюштурулган. Адылбек Касымалиевдин Талас аймагына рабочий сапары учурунда шаардагы башка социалдык объекттердин курулушу да көзөмөлгө алынды.
Кыргызстандын тоолуу жана токойлуу аймактарында күтүлгөн жамгырлар менен сел кырсыктары боюнча 25-27-июлга аралыктарынын аба ырайы туруксуз болору, Бишкек менен бир катар шаарларда абанын температурасы жогорулай турганы тууралуу синоптиктер билдирди.
Кыргыз Республикасынын аймактарындагы ишкерлер бизнес өнүктүрүүгө 2 пайыздык жылдык үстөк менен бюджеттик насыя ала алышат. Каржылоо жеке ишкерлерге, юридикалык жактарга жана артыкчылыктуу тармактардагы стартаптарга жеткиликтүү. Аны алуу үчүн «Мамлекеттик финансы холдинги» ААКнун облустук өкүлчүлүгүнө керектүү документтер топтому менен кайрылуу зарыл.
Талас облусундагы фитосанитардык көзөмөл пунктунда Орусиядан импорттолгон 22 тонна нокот кармалды. Продукциянын таңгагында милдеттүү маркировка жок болгондуктан, Евразия экономикалык бирлигинин (ЕАЭБ) бирдиктүү карантиндик фитосанитардык талаптары бузулган деп табылды. Жүктү Кыргызстанга киргизүүгө уруксат берилбей, жөнөтүүчүгө кайтарылды.
Министрлер Кабинетинин төрагасынын орун басары, Суу ресурстары, айыл чарба жана кайра иштетүү өнөр жайы министри Эрлист Акунбеков Бишкектеги "Wool KG" ишканасына барып, жүн иштетүү өндүрүшүн кеңейтүү пландары менен таанышты. Бул долбоор жергиликтүү чийки затты кайра иштетүү көлөмүн жогорулатып, 50дөн ашык жаңы жумуш орундарын түзүүгө шарт түзөт.
Чолпон-Ата шаарында 27-28-июль күндөрү Кыргызстанда Өзбекстан Республикасынын маданият күндөрү уюштурулат. Бул иш-чара Кыргызстан менен Өзбекстандын ортосундагы маданий-гуманитардык кызматташтыкты чыңдоого багытталган. Ага Өзбекстандан 200гө жакын өнөр чеберлеринен турган делегация келет.
Орусиянын тышкы иштер министри Сергей Лавров Шанхай кызматташтык уюмунун (ШКУ) Мамлекет башчыларынын кеңешинин алдыдагы жыйыны жана «ШКУ плюс» форматындагы жолугушуу Кыргызстандын уюмга төрагалык кылуусунун негизги учуру болорун билдирди. Ал ошондой эле англис тилин ШКУнун расмий иш тилдеринин катарына кошуунун маанисин баса белгиледи.
Баткен облусунда VI Дүйнөлүк көчмөндөр оюндарына даярдык көрүү алкагында 40 күндүк "Биримдик кербени" деп аталган улуттук жөө жүрүш старт алды. Бул демилге кыргыз элинин биримдигин чыңдоо, көчмөн маданиятынын баалуулуктарын жайылтуу жана өлкөнүн ар бир аймагындагы ыйык булактардан суу чогултуу максатын көздөйт.
Министрлер кабинетинин төрагасынын биринчи орун басары Данияр Амангелдиев бир чет өлкөлүк жарандын атына көп сандагы кыймылсыз мүлк катталган деген ушак-айың кептерге комментарий берди. Ал Кытай жаранына ушунча батирди расмийлештирүү мүмкүнчүлүгү тууралуу суроого жооп берди.
2026-жылы Франциянын Авиньон шаарында өткөн Avignon Off эл аралык театр фестивалынын алкагында Кыргызстандын маданиятына арналган тегерек стол болуп өттү. Бул иш-чарада кыргыз театр өнөрүнүн тарыхы, азыркы абалы жана келечектеги өнүгүү багыттары талкууланды. Маданият, маалымат, спорт жана жаштар саясаты министрлигинин басма сөз кызматы билдиргендей, аталган тегерек стол эл аралык аренада кыргыз театрын жайылтуу жана кызматташтыкты кеңейтүү мүмкүнчүлүктөрүн баса белгиледи.
