Бишкекте өткөн иш-чарага Кыргызстандын Улуттук инвестиция агенттигинин орун басары Дамирбек Бикулов, ошондой эле азербайжандык GEO TOTAL компаниясынын өкүлдөрү, ошондой эле тиешелүү министрликтердин жана мамлекеттик органдардын өкүлдөрү катышты.
Жолугушууда заманбап инженердик жана санариптик технологиялар — геодезия, геоинформациялык системалар (ГИС), санариптик картография, лазердик сканерлөө (LiDAR), беспилоттук техника жана жасалма интеллект боюнча сунушталган чечимдер талкууланды.
Катышуучулар бул технологияларды транспорт жана шаар инфраструктурасын долбоорлоо, куруу жана мониторинг жүргүзүүдө колдонуу мүмкүнчүлүктөрүн изилдешти.
Андан тышкары, санариптик жабдуулар инженердик изилдөөлөрдү жүргүзүү, аймактардын санариптик моделин түзүү, жер ресурстарын башкаруу, санариптик кадастр жүргүзүү жана инфраструктуралык объектилердин абалын көзөмөлдөө үчүн пайдаланууга арналганы баса белгиленди.
Иш-чаранын жыйынтыгында тараптар санарип технологиялар жаатында тажрыйба алмашуу жана биргелешкен долбоорлорду ишке ашыруу аркылуу кызматташтыкты улантуу ниетин билдиришти.
