Кыргызстанда бир жумада 28,7 миңден ашык ЖЭЭ эрежелерин бузуу катталды: 415 мас айдоочу кармалды

Ички иштер министрлигинин Жол кыймылынын коопсуздугун камсыздоо башкы башкармалыгынын (ЖКККББ) маалыматына ылайык, 31-июлдан 6-августка чейинки аралыкта Кыргызстандын аймагында жол кыймылынын эрежелерин бузуунун 28 миң 753 учуру аныкталды. Бул көрсөткүчтөрдүн арасында унааны мас абалында башкаруу, ылдамдыкты ашыруу жана жөө жүргүнчүлөрдүн катышуусундагы эреже бузуулар олуттуу орунду ээлейт.

ЖКККББ билдиргендей, жалпысынан 28 миң 753 эреже бузуу катталып, алардын ичинен айрым категориялар боюнча төмөнкүдөй сандар белгиленди:

Катталган эреже бузуулар

4 502документсиз унаа башкаруу

415мас абалында унаа башкаруу

207айнектерди мыйзамсыз караңгылатуу

841жөө жүргүнчүлөрдүн эреже бузуусу

4 582унаа эксплуатациялоо эрежелери

33автобезобраздык

1 567ылдамдыкты ашыруу

8жасалма номерлер менен башкаруу

Катталган ар кандай эреже бузуулар үчүн 3 миң 241 транспорт каражаты адистештирилген айып унаа токтотуучу жайларга киргизилди.

Жол кыймылынын коопсуздугун камсыздоо башкы башкармалыгы айдоочуларды жана жөө жүргүнчүлөрдү жол эрежелерин так сактоого, жолдо этият болууга жана жол кыймылынын коопсуздугуна жоопкерчиликтүү мамиле кылууга чакырат.