Кыргызстанда республиканын маанилүү автожолдоруна жаңы таштанды челектер орнотулуп жатат. Бул ишти Автоунаа жолдорун тейлөө ишканасы № 10 жүргүзүүдө.
Жаңы челектер Бишкек – Нарын – Торугарт унаа жолунун 137-чи чакырымында жана Балыкчы – Ананьево – Каракол трассасынын 28-чи чакырымында жайгаштырылууда.
Министрликтин билдирүүсүнө ылайык, бул кадамдар жолдордун санитардык абалын жакшыртуу, айлана-чөйрөнү коргоо жана жол кыймылына катышуучулардын жашоосун ыңгайлуу кылуу максатында жасалууда.
Министрлик жол кыймылында жүргөн айдоочуларды жана жүргүнчүлөрдү таштандыны гана атайын урналарга төгүүгө чакырды.
