Кыргызстандын Саламаттык сактоо министри Дамир Осмонов Нью-Йорктогу Жогорку деңгээлдеги ООН жыйын учурунда жол коопсуздугу маселеси боюнча өз позициясын билдирди.
Ал жол кырсыктары мурда транспорттук гана көйгөй болуп саналса, азыр калктын саламаттыгына чоң коркунуч жаратып жатканын баса белгиледи. Дүйнөдө ар жыл сайын 1,2 миллион адам жол кырсыктарынан көз жумуп, андан көптөгөн адамдар оор жаракат алышат.
Осмонов жол коопсуздугун улуттук саламаттыкты сактоо жана туруктуу өнүгүү саясатында негизги багыт катары карап чыгуу керектигин айтты. Кыргызстанды тоолуу мамлекет катары татаал жол тармагы жана алыскы калктуу аймактары менен, тез арада жедел медициналык жардам көрсөтүү маанилүү экенин белгиледи.
Министр жол кырсыктардын алдын алуу үчүн министрликтин маанилүү иш-чаралары катары жол кырсыктарынан кийинки биринчи медициналык жардам кызматтарын модернизациялоо, медициналык мекемелердин жарактуулугун жогорулатуу, ошондой эле жарандарга жеткиликтүү өз убагында дарылоо системасын тактоо жагын атап өттү.
Андан тышкары, Кыргызстанда бирдиктүү санариптик маалымат экосистемасын түзүү пландары бар, ал маалыматтарды тез жана так бөлүшүп, межведомстволук кызматтарды жакшыртууга мүмкүнчүлүк берет.
Бул демилгелер башка өлкөлөр жана эл аралык уюмдар менен кызматташтыкта ишке ашырылып, жол кырсыгынан келип чыккан өлүм жана жаракаттарды азайтууга багытталган.
