Кыргызстандын Мамлекеттик салык кызматы коомчулукту салык органдарынын кызматкерлери деп өзүлөрүн тааныштырып, акчаны же жеке маалыматтарды ээлеп алууга аракет кылган алдамчылардын аракеттеринен эскертет.
Алдамчылар кантип аракет кылышат
Кылмышкерлер жарандар менен телефон аркылуу же мессенджерлер аркылуу байланышып кетиши мүмкүн. Алар бар болгон карыз же айыппул тууралуу билдирип, тез арада төлөөнү талап кылышат. Кээ бир учурларда алдамчылар МСК атынан жасалма каттарды жөнөтүшү, ошондой эле төлөө үчүн QR-коддорду колдонушу мүмкүн.
МСКнын негизги коопсуздук эрежелери
- Салык кызматынын кызматкерлери сырсөздөрдү, ырастоо коддорун жана банк карталарынын маалыматтарын сурашпайт.
- Алар телефон же мессенджерлер аркылуу акча которууну, салыктарды же карызды төлөөнү, же отчеттуулукту тапшырууну талап кылышпайт.
- Санкциялар менен коркутуп, милдеттенмелер же карыз тууралуу билдирүүлөр келген учурда, талаптарды аткарууга шашпай, тынчтыкты сактоо зарыл.
Эскертүү чаралары
- Шектүү шилтемелерге өтпөңүз.
- Бөтөн адамдарга сырсөздөрдү, ырастоо коддорун жана банк карталарынын маалыматтарын айтпаңыз.
- Белгисиз адамдарга акча которбоңуз.
- Маалыматты жабык түрдө расмий порталдар жана сайттар аркылуу гана текшериңиз.
