Президенттин алдындагы Антикоррупциялык ишкердик кеңештин катчылыгы менен Маданият, маалымат жана жаштар саясаты министрлиги журналисттер жана блогерлер үчүн атайын окуу программасын уюштурду. Бул иш-чаранын жыйынтыгында катышуучулар коррупциялык кубулуштарды алдын алууга багытталган медиа материалдардын долбоорлорун даярдашты.
- Лонгриддердин концепциялары
- Кыска видеороликтер
- Бизнес-кейс форматтары
Практикалык бөлүктө алты команда өз долбоорлорун сунуштады. Аларды баалоодо маалыматтын тактыгы, этикалык ченемдердин сакталышы жана иш жүзүндөгү пайдалуулугу негизги критерий катары каралды. Бул багытта Генпрокуратура менен биргеликте медиа сыйлыкты түзүү жана адистер үчүн тазалык жөнүндө декларацияны киргизүү идеясы да айтылды.
Журналисттер жана блогерлер маалыматтын ишенимдүүлүгүнө, адамдын укуктарын жана кадыр-баркын сыйлоого, ошондой эле коом алдындагы жоопкерчиликке өзгөчө көңүл бурушу керек.
Окутуу учурунда медиа өкүлдөрү адам укуктарын коргоо, гендердик теңчилик, үй-бүлөлүк зомбулукту алдын алуу жана журналисттик этика сыяктуу маанилүү темаларды талкуулашты.
Журналисттердин жана блогерлердин ачыктуулук жана шаффандуулук принциптерин жайылтуудагы ролу өтө маанилүү.























