Нарын шаарында УТРКнын жаңы имаратын куруу башталды. Бул иш-чарага мамлекеттик жана облустук жетекчилер, телерадиокомпаниянын кызматкерлери жана тармактын ардагерлери катышты.
Курулушка Стабилизациялык фонддон жалпы суммасы 93 млн 547 миң сом бөлүндү. Имарат жаңы заманбап талаптарга жооп берип, болжол менен 1000 чарчы метр аянтты ээлейт.
- Имарат 5 кабаттан турат: цоколь жана төрт этаж.
- Цифрлештирилген телестудиялар жана радиостудиялар болуп түзүлөт.
- Пресс-борбор, монтаждоо бөлмөлөрү жана техникалык жайлар каралган.
- Журналисттер үчүн ыңгайлуу жумуш орундары жана административдик бөлмөлөр бар.
Маалымат саясаты боюнча жетекчи Дайырбек Орунбеков белгилегендей, 20 жылдан ашуун убакытта Нарын УТРКсы эски, 1952-жылы курулган имаратта иштеп келди, ал учурда жумуш шарттары начар болгон.
