Жаңы суу алуучу курулуш долбоору Азиатский банкынын өнүктүрүү гранттык каражаттары менен ишке ашырылат. Мэриянын маалыматына ылайык, бул долбоор Ош шаарында суу камсыздоо инфраструктурасын модернизациялоо, системанын туруктуулугун жогорулатуу жана шаар тургундарын таза суу менен камсыздоонун мүмкүнчүлүктөрүн кеңейтүүнү көздөйт.
Долбоордун алкагында жаңы суу алуучу борбор жана Толойкон айылына чейин 4,8 чакырым аралыктагы эки магистралдык суу түтүктөрү курулат. Биринчи линия боюнча негизги иштер аткарылып бүттү, ал эми курулушту толугу менен 31-августка чейин аяктоо пландалууда.
Экинчи линия боюнча курулуш иштерин улантуу үчүн керектүү кошумча финансылоо маселеси каралууда. Жаңы суу алуучу жайдын ишке кириши Ош шаарындагы суу камсыздоо системасынын туруктуулугун жогорулатат, суу ресурстарын натыйжалуу пайдаланууга жетишет жана калкты таза жана коопсуз ичүүчү суу менен камсыздайт.
