Бишкекте муниципалдык унаа токтотуучу жайларда автоунааларды сүрөткө жана видеодон тартып каттоонун системасын тестирлөө режиминде киргизүү башташты. Бул процесс жөнүндө борбор калаа мэриясынын басма сөз кызматы билдирди.
Муниципалитеттин билдирүүсүнө ылайык, техникалык көзөмөл каражаттарын киргизүү унаа токтотуучу аймактардын ишинин ачык-айкындуулугун жогорулатууга жана белгиленген эрежелердин сакталышын натыйжалуу көзөмөлдөөгө багытталган.
Мэриянын өкүлдөрү кызмат акысын өз убагында төлөөгө чакырып, төлөм жүргүзбөгөндүгү үчүн айып пулдардын бар экенин эскертишти.
Учурда ведомство системанын толук иштөө режимине өтүү мөөнөттөрүн тактаган жок, ошондой эле айып пулдарды жазуу процесси толугу менен автоматтык түрдө болобу же жокпу, деген суроого түшүндүрмө берген жок.
