Окумуштуулардын болжолдоосу региондогу гидрологиялык кырдаалдын масштабдуу өзгөрүшүн көрсөтүүдө: 2050-жылга карата Борбордук Азиянын мөңгүлөрүнүн көлөмү 1950-жылдагы көрсөткүчтөргө салыштырмалуу 60–80%га азайышы мүмкүн. Кыргызстандын Жаратылыш ресурстары, экология жана техникалык көзөмөл министрлиги билдиргендей, мындай процесстер табигый кырсыктардын көбөйүшү менен коштолууда.
- кургакчылык
- сел жана жер көчкү
- бийик тоо көлдөрүнүн жарылышы
- температуранын экстремалдык пиктери
Бул факторлор жыл сайын олуттуу экономикалык зыян келтирет. Ушуга байланыштуу Түркиянын Анталья шаарында өткөн COP31 конференциясынын алкагында «Борбордук Азиядагы маанилүү инфраструктуранын климатка туруктуу системалары боюнча кызматташтык» (RECCIS-CA) долбооруна арналган иш-чара өткөрүлдү.
Климаттын өзгөрүшү региондогу мамлекеттердин экономикалык туруктуулугуна жана коопсуздугуна таасир этүүчү негизги факторлордун бири болуп жатат.
Кыргызстан RECCIS-CA платформасын ведомстволордун күч-аракеттерин координациялоо жана климаттык коркунучтар жөнүндө маалымат алмашуу куралы катары көрүп, аны расмий түрдө колдоду. Министрдин орун басары Асель Раимкулова климаттык фонддорго жана көп тараптуу өнүктүрүү банктарына долбоор түзүлүү этабында ага кошулууну сунуштады.









