Конституциялык сот Талант Малайбеков жана Тилек Алмазбековдун кайрылууларынын негизинде 10-ноябрда чечим кабыл алды. Бул чечим менен электромобилдер үчүн белгиленген жеңилдетилген тарифтер мыйзамсыз деп табылды.
Мурунку тартип боюнча, электромобилдердин ээлери кадимки автоунаалардын ээлерине караганда ар бир категория боюнча 20 миң сомго арзан тонировка уруксатын алышчу. Соттун кароосунда, бул норма Конституциянын 24-беренесиндеги адамдардын укуктарын коргоо жана мыйзам алдында теңдикти камсыз кылуу принциптерине каршы келет деп көрсөтүлдү.
Тонировка үчүн төлөнүүчү алымдардын мурунку тарифтери (сом)
Арыз ээлеринин пикири боюнча, тонировкага берилген уруксаттын баасы унаанын экологиялык мүнөздөмөлөрүнө таасир этпейт, ошондуктан электромобилдерге арналган жеңилдетилген тарифтер негизсиз артыкчылык түзөт.
Эми Министрлер Кабинети тиешелүү ченемдик актыларга өзгөртүү киргизүүгө милдеттүү. Тонировка алуу үчүн алымдын өлчөмү мотордун түрүнө карабастан, бардык автоунаалар үчүн бирдей шарттарда аныкталышы керек.
Документтен
Конституциянын 24-беренесинин биринчи бөлүгү бардык адамдардын укуктарын жана эркиндиктерин коргоону кепилдейт жана ар кандай белгилер боюнча дискриминациялоого жол бербейт. Экинчи бөлүгү бардык адамдардын мыйзам жана сот алдында теңдигин бекитет.
