Кыргызстандын Табигый ресурстар, экология жана техникалык көзөмөл министрлигинде биринчи орун басар Жениш Сейдалиев менен Татарстан экология жана табигый ресурстар министри Азат Зиганшин жолуккан. Алар «Ак Илбирс» илимий-изилдөө жана реабилитациялык борборунун курулушун тездетүү маселелерин талкуулашты.
Бул борбор Борбордук Азиядагы өзгөчө илимий комплекс болуп, илимий изилдөөлөрдү жүргүзүү, заманбап лабораторияларды түзүү, ветеринардык жардам көрсөтүү жана коркунучта турган жаныбарлардын реабилитациясын камтыйт.
Айрыкча, борбордо кар барынын популяциясын сактоо жана калыбына келтирүүгө басым жасалат. Ал үчүн илимий изилдөөлөр, ветеринардык диагностика жана биодиверстүүлүк программалары ишке ашырылат.
Жолугушууда курулуш иштеринин жакшы жүрүшү белгиленип, заманбап лабораториялык жабдуулар менен камсыздоону тездетүү чечими кабыл алынды. Ошондой эле Кыргызстан менен Татарстан илимий кызматташууну кеңейтүүнү макулдашты.
