Бишкек шаарында өткөн жолугушууда Кыргызстандын маданият министри Мирбек Мамбеталиев менен Тюрк мамлекеттер уюмунун баш катчысы Кубанычбек Омуралиев катышты. Алар Тюрк тилдүү мамлекеттердин жалпы маданий жана тарыхый мурастарын кеңири жайылтуу боюнча биргелешкен аракеттерди талкуулады.
Жолугушуунун негизги темалары катары маданий форумдар, фестивалдар жана конгресстер боюнча программалар, тарыхый-музейдик жайлардын цифрлаштырылышы, бирдиктүү музей жана китепкана платформаларын түзүү, ошондой эле илимий жана маданий мекемелердин эл аралык кызматташтыгы каралды.
Жолугушуу жыйынтыгында кызматташтыкты кеңейтүү жана биргелешкен долбоорлорду жүзөгө ашыруу боюнча конкреттүү кадамдар макулдашылды. Бул гуманитардык кызматташтыкты жаңы деңгээлге чыгарууга багытталат.
