Кытайдын Карамай шаарында региондун өнөр жай, туризм жана билим берүү потенциалын өнүктүрүүгө арналган II Эл аралык маданий форум өттү. Иш-чарага Кыргызстан, Казакстан, Өзбекстан, Тажикстан жана башка мамлекеттердин БАА өкүлдөрү катышты.
Талкуулардын жүрүшүндө шаардын ресурстарынын уникалдуу айкалышына: өнүккөн мунай казуу тармагына жана активдүү өсүп жаткан туризм секторуна негизги басым жасалды. Борбордук Азия өлкөлөрүнүн медиа коомчулугунун өкүлдөрү эл аралык кызматташтыкты чыңдоо үчүн биргелешкен маалыматтык долбоорлорду түзүүнүн маанилүүлүгүн белгилешти.
Форумдун программасына мунай компанияларынын ишмердүүлүгү менен таанышуу жана чет элдик кино компаниялары үчүн кызыктуу болгон туристтик маршруттарды көрүү кирди. Талкуунун өзүнчө блогу жаштар саясатына жана билим берүү мүмкүнчүлүктөрүнө арналды.
Билим берүү багытынын алкагында Кыргызстандан келген студенттер Кытайдын жогорку окуу жайларындагы окуу тажрыйбасы менен бөлүшүп, окууга кирүү өзгөчөлүктөрү жана чет элдик абитуриенттер үчүн жеткиликтүү мүмкүнчүлүктөр жөнүндө айтып беришти.
